Analisti Dritero Arifi gjatë një interviste për Fax News ka komentuar zhvillimet e fundit politike që vijnë nga Kosova.
Arifi i cilësoi si anti-europiane dhe anti-amerikane deklaratat e kryeministrit spanjoll Pedro Sanchez i cili një ditë më parë nga Beogradi tha se “Spanja është në anën e Serbisë kur vjen puna te Kosova”. Gjithashtu Arifi tha se kjo deklaratë është bërë qëllimisht në favor të ministrit të jashtëm rus, Lavrov e cila nuk prodhon paqe por nxit luftë në rajon.
“Vizita e kryeministrit spanjoll në Ballkanin Perëndimor duke përjashtuar Kosovën edhe një herë dëshmon që BE nuk ja ka idenë cfarë është politika e jashtme e përbashkët. Unë mendoj që deklaratat e Pedro Sanchez në Beograd i ka bërë në favor të ministrit të jashtë rus, Lavrov. Fjalët e tij përforcuan mesazhe negative, e para janë kundër vlerave të BE. Duke ditur historinë e Serbisë me rajonin e Ballkanit respektevisht me Kosovën janë vlera anti-NATO, sepse Serbia është pro Ruse dhe janë mesazhe anti-amerikane. Në një farë mënyre deklaratat e tij janë nxitëse për luftë në Ballkanin Perëndimor. Këto vende që nuk e kanë njohur Kosovën po I bëjnë favor Rusisë duke prodhuar politike pro ruse në Ballkanin Perëndimor duke komplikuar situatën në vend që të gjendet zgjidhja që të shkojmë drejt një paqe afatgjate. Nuk është mungesë informacioni por këto deklarata përçojnë mesazh të gabuar.
Deklarata të tilla priten me keqardhje. Pasi ne po e shikojmë që BE nuk po mund ta gjejë një gjuhë të përbashkët rreth ngërçit të dialogut Kosovë – Serbi dhe disa 5 vende të BE kanë politika të paqarta me Kosovën duke e ditur që jemi në kulmin e luftës në Ukrainë. Në 2010 gjykata ndërkombëtare e Hagës ka sjellë një vendim të qartë që Shpallja e Kosovës ka qenë në formë duke respektuar të gjitha rregullat e të drejtës ndërkombëtare. Gjithashtu edhe njohja e Izraelit që ka shumë probleme të brendshme i ka zhvlerësuar faktet që këto vendet e tjera karshi ndaj Kosovës. Në një farë mënyre mosnjohja e vazhdueshme e Kosovës do të prodhojë konflikte të njëpasnjëshme pasi do ta trimërojë akoma edhe më shumë Serbinë. Serbia është vendi më fashist. Ka një kushtetutë pushtuese, bashkëpunon me Kinën dhe me Rusinë janë sinjale që ky shtet po tregon haptas që është për militarizim që nuk prodhon paqe por ndodh e kundërta”, tha Arifi.
Vijimësia e dialogut me Serbinë – Nuk ka sens sepse realiteti I ri është krijuar në vitin 2008 dhe Kosova është e pavarur dhe tashmë njihet nga të gjitha vendet perëndimore demokratike. Njiohet nga 26 vende të NATO-s, nga 22 vende të BE por edhe shtetet e tjera. Dialogu Serbi –Kosovë është për të gjetur paqen jo për të gjetur zgjidhjen a do të jetë Kosova e pavarur apo jo”, përfundoi Dritero Arifi.
