Meteorologët parashikojnë një rënie të lehtë të temperaturave për këtë fundjavë. Te dielën në zonat bregdetare pritet të ketë erë të fortë.
“Kjo valë e të nxehtit po tërhiqet përkohësisht nga vendi jonë duke bërë që të kemi temperatura më të ulëta. Pritet që maksimumet në Ultësirën Perëndimore të luhaten në vlerat 38 gradë Celsius në qarqet Elbasan, Berat e Gjirokastër. Ndërsa zonat bregdetare pritet që t’i kenë temperaturat nga 32 deri në 34 gradë celsius gjatë kësaj fundjave. Edhe pse do të kemi këtë rënie të lehtë pritet që kushtet e motit të jenë në ndikimin e kthjellimeve. Do doja të theksoja dhe parametrin e erës gjatë ditës së diel, pasi pritet një fuqizim i përkohshëm i parametrit të saj duke bërë që të jetë me shpejtësi edhe mbi 45 kilometra për orë me intervale të shkurtra kohore”, u shpreh sinoptikani Hakil Osmani për “Tv Klan”.
