E ardhmja e Kristiano Ronaldos është ende në pikëpyetje, me portugezin që vazhdon të kërkojë me ngulm largimin nga Mançester Junajtid.
“Djajtë e Kuq” do të luajnë dy ndeshje në dy ditë, të shtunën përballë Atletikos së Madridit dhe të dielën kundër Rajo Vajekanos.
Për sfidën me skuadrën e Simeones, portugezi nuk ishte i grumbulluar, duke ngritur akoma dhe më shumë dyshime.
Për sa i përket sfidës me skuadrën ku aktivizohet mbrojtësi i Kombëtares, Ivan Balliu, portugezi ka komentuar në një postim ,ku shkruan: “Të dielën mbreti luan”, ku pritet të aktivizohet për herë të parë nën urdhrat e trajnerit Erik Ten Hag.
