Kryetari i Partisë së Lirisë, Ilir Meta ka deklaruar se ai do qëndrojë në politike edhe për 30-40 vitet e ardhshme.
Meta tha se ka ëndrra e tij është që të bëhët kryetari i Referendumit që të çojë në shtëpi qeverinë Rama dhe Parlamentin e ‘deleve’, siç i quajti ai.
“Ka marrë peng popullin e Shqipërisë, tani Partia e Lirisë e ka mbyllur hesapin me esatin. Dua të siguroj të gjithë qytetarët që Ilir Meta është këtu pas 30 vitesh angazhimi në politikë, jo se s’ka bërë gabime padyshim, por është këtu se do jetë gjithmonë i pastër në ndërgjegjen e tij dhe në të vërteta e tij, por jo vetëm kaq por do të vazhdojë dhe nja 30-40 vite të tjera, ëndrra ime të bëhem sa më parë kryetari i referendumit. Një kryeministër del kundër popullit shtypet butoni i referendumit dhe fap ikën.
Do e padisni autoritetin?
Nuk ekziston më Autoriteti për mua. Emrat e tyre do gdhenden në shtyllën e turpit. Për nevojat e një të sëmuri psiqik dhe deleve të Kuvendit. Qenka shqetësuar gjithë populli për I.M që ka ardhur Ilir Meta se ka dëmtuar dikë në 88 dhe 89. E kuptoni çfarë më mjerimi është për ta. Ku ka më autoritet Dosjesh? Të bëjnë ligj për një person? Kush i ka penguar, ata e dinë si është puna e I.M apo I.M-ve për këtë lojë që po hapin do e mbajnë ata përgjegjësinë.
Për fëmijët e mi s’ka shqetësim, kanë dëgjuar shumë gjëra për mua dhe për mamanë, por Autoriteti i Dosjeve është instrument për propagandën e Ramës.
Asgjë nuk e shpëton K.M-në!”, thekson Meta.
