Policia e Pogradecit ka reaguar lidhur me një video ku një drejtues mjeti ka rrezikuar jetën e një qytetareje.
Njoftimi
Në lidhje me një video të publikuar në rrjete sociale, që bën fjalë për një drejtues mjeti të dehur, i cili rrezikon jetën e një qytetareje ju informojmë se:
Specialistët e Trafikut Urban dhe Interurban pranë DVP Korçë bënë arrestimin në flagrancë të shtetasit K. D., 51 vjeç, banues në fshatin Gështenjas, Pogradec, për veprën penale “Drejtimi i automjeteve në mënyrë të parregullt”, pasi në lagjen nr. 1, Pogradec, duke drejtuar mjetin tip “Benz”, është përplasur me një shtyllë elektrike duke shkaktuar dëme materiale. Pas kryerjes së testalkoolit, rezultoi se shtetasi K. D., drejtonte mjetin në gjendje të dehur.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
Drejtoria Vendore e Policisë Korçë, falenderon mediat dhe fton të gjithë qytetarët që të denoncojnë në numrin 129, ose në Komisariatin Dixhital çdo shkelje apo paligjshmëri, duke ju siguruar një reagim të shpejtë dhe vënien para përgjegjësisë penale të çdo shkelësi të ligjit.
