Aktivsiti Aulon Kalaja komentoi në një intervistë për Syri Tv koncesionin për Parkun Kombëtar të Butrintit. Aulon Kalaja u shpreh se çështjen do ta çojnë në Gjykatën Kushtetuese.
Sipas Kalasë, kryetari i fondacionit që do menaxhojë Butrintin, Richard Hodges pretendon se Butrinti dhe Saranda nuk janë qytete shqiptare, i janë lënë rastësisht Shqipërisë pasi janë qytete greke.
“Ky do drejtojë Butrintin për 10 vitet e ardhshme. Butrinti merret nga pesë njerëz, dy prej të cilëve është avokati i inceneratorëve, dhe ministrja e anti-Kulturës, Margariti. Ajo do vazhdojë të drejtojë Butrintin edhe kur mos të jetë ministre.”-tha Kalaja.
Më tej aktivisti deklaroi se denoncimi me video i mendimeve të Hodges, vendos në pikëpyetje sigurinë kombëtare të Shqipërisë.
“A thua se s’kemi arkeologë, kemi Apollon Baçen, kemi Neritan Cekën, Aleksandër Meksin. Kjo qeveri sillet si ushtri pushtuese me shqiptarët, duke marrë çdo kala shqiptare. Kjo nuk është një qeveri, por po jep çdo gjë me koncesion.”-deklaroi Kalaja.
