Avokati ALtin Goxhaj, një nga nismëtarët e themelimit të Frontit për Shpëtimin e Shqipërisë, u shpreh pasditen e sotme se shpallja non grata e kreut demokrat, Sali Berisha, nga Britania e Madhe, ishte një kundërpërgjigje ndaj protestës madhështore të 7 korrikut.
Goxhaj tha se ne duam të heqim Edi Ramën si Kryeministër, por kjo prish ekujlibrat e atyre që duan t´a mbajnë, të ruajnë status quon në kurrizin tonë.
“Në kushte të tilla, na erdhi një vendim nga Britania, për shkak të lobimeve që atyre që duan të mbajnë Ramën në postin e Kryeministrit. Çështja është çfarë do të bëjmë ne? 7 korrikun e pamë, jemi në fund të korrikut dhe çfarë do të bëjmë në shtator”, tha Goxhaj.
Sipas tij, Fronti për Shpëtimin e Shqipërisë duhet shtrirë në të gjithë vendin, nuk duhet të mbetet vetëm në Tiranë.
