Kompania daneze e bioteknologjisë Bavarian Nordic ka marrë dritën jeshile nga Komisioni Europian për të prodhuar vaksinën e saj Imvanex për të kuruar linë e majmunëve.
Miratimi vjen vetëm pasi Organizata Botërore e Shëndetësisë lëshoi një alarm të nivelit të lartë duke shpallur shpërthimin e shpejtë të lisë së majmunëve si një emergjencë globale shëndetësore.
“Disponueshmëria e një vaksine të miratuar mund të përmirësojë ndjeshëm gatishmërinë e kombeve për të luftuar sëmundjet në zhvillim, por vetëm përmes investimeve dhe planifikimit të strukturuar“, tha shefi ekzekutiv i Bavarisë, Paul Chaplin.
Vaksina bavareze, mori miratimin në Qershor edhe nga autoritetet shëndetësore në Shtetet e Bashkuara dhe Kanadaja. Por kompania nisi prodhimin teksa rastet me linë e majmunëve filluan që të përhapeshin me shpejtësi në Europë, pavarësisht se ende nuk e kishte marrë miratimin e plotë nga Komisioni Europian.
Kujtojmë se në muajin Maj Gjermania kërkoi 40,000 doza të kësaj vaksine bavareze nordike për të qenë gati për të vaksinuar kontaktet e të infektuarve me linë e majmunëve nëse shpërthimi në Gjermani bëhet më i rëndë.
Miratimi është i vlefshëm në të gjitha shtetet anëtare të Bashkimit Europian, si dhe në Islandë, Lihtenshtejn dhe Norvegji, ka bërë të ditur kompania Bavaria Nordic në një deklaratë. Zhvillimi i Imvanex u bë i mundur përmes investimeve të rëndësishme nga qeveria amerikane gjatë dy dekadave të fundit. Aksionet e kompanisë u rritën me 122% në tre muajt e fundit i nxitur nga kërkesa e fortë për vaksinën e lisë së majmunit.
Për momentin shpërthimi i lisë së majmunëve është “i përqendruar midis burrave që kryejnë marrëdhënie seksuale me burra, veçanërisht atyre me partnerë të shumtë seksualë“. Deri më tani ka pasur më shumë se 18,000 raste të lisë së majmunëve në më shumë se 75 vende dhe 5 vdekje në Afrikë.
