Mbrojtësi gjerman Jerome Boateng ka dhënë një intervistë për Kicker. Atkualisht te Lyon, futbollisti ka folur edhe për mundësinë e kthimit në Bundesliga, ku ka shkruar faqe të rëndësishme të karrierës me fanellën e Bayern-it.
Pikërisht në lidhje me ish-klubin e tij, Boateng ka bërë një analizë të largimit të Robert Lewandowski-t dhe blerjes së Matthijs de Ligt.
“Dera për mua nuk është e mbyllur, mund të bëj akoma shumë në Europë dhe, për rrjedhojë, edhe në Bundesliga”, ka thënë Boateng.
“Po flasim për një kampionat të madh, me skuadra të mëdha dhe tifozë të mëdhenj”, kanë qenë fjalët e mbrojtësit, i cili ka një kontratë deri në vitin 2023 me Lyon-in.
Në lidhje me Bayern-in: “Kam kaluar vitet më të mira të karrierës time. Mendoj se lamtumira e Lewandowski-t do të ndihet. Do të mungojnë golat dhe aftësitë e tij si sulmues.
“De Ligt? Mendoj se është një lojtar shumë i mirë më cilësi të mëdha edhe si lider. Besoj se mund të përmirësohet akoma te Bayern-i”.
