Real Madrid është mundur 1-0 në miqësoren e luksit të zhvilluar në Las Vegas kundër rivalëve të përjetshëm të Barcelona-s.
Pavarësisht se bëhet fjalë për një ndeshje të fazës përgatitore në korrik, një humbje në El Clasico nuk është kurrë e lehtë për t’u gëlltitur.
Carlo Ancelotti, trajneri i Real Madrid, ka folur në konferencë për shtyp pas humbjes të pësuar kundër katalanasve:
“Skuadra për këtë sezon është e kompletuar dhe është më e mirë se ajo e sezonit të kaluar”, ka thënë trajneri italian.
“Kemi lojtarë të rinj që do të japin një kontribut të madh, kam 27 lojtarë në total dhe nuk është e lehtë të stërvitesh, por kam lojtarë të zgjuar, që i kuptojnë vështirësitë e mia”.
I pyetur në lidhje me planet që ka për Asnesio-n dhe Ceballos-in, Ancelotti ka thënë: “Nuk më bezdisin. Sigurisht, konkurrenca është shtuar…
“Duhet të pyesni ata nëse është më mirë që të largohen dhe duhet pyetur klubi nëse do t’u ofrojë atyre një kontratë”.
