Një i ri shqiptar ka humbur jetën në mënyrë tragjike këtë të shtunë në Itali.
24-vjecari me origjinë nga Shqipëria u përplas nga treni. Ngjarja ka ndodhur rreth orës 11.20 minuta të paradites së sotme në Verona.
Viktimë nga ngjarja mbeti 24-vjecari, e identiteti i tij nuk është bërë ende me dije nga mediat italiane.
Shqiptari po kalonte shinat e trenit, në momentin kur u përplas. Mjeti që shkaktoi aksidentin është treni i linjës Verona-Padova.
E gjithë ngjarja ka ndodhur në afërsi të Caldiero.
Autoritetet policore italiane kanë nisur hetimet për të zbardhur këtë ngjarje të rëndë.
