Partizani u eleminua nga Saburtalo më 14 korrik në turin e parë të Conference League. Të kuqtë morën 1 javë pushime pas eleminimit, duke qenë se mungonin dhe angazhimet. Klubi ka njoftuar përmes rrjeteve sociale se ekipi do zbresë të premten në fushë, me seancën stërvitore që mbahet në orën 19:00.
Dritan Mehmeti ka detyrën për të përgatitur skuadrën për kampionatin shqiptar që nis më 20 gusht. “Kompleksi Sportiv Partizani” do presë të kuqtë për të vazhduar rrugëtimin e ri.
“Ekipi zbret të premten në fushë. Pas disa ditëve pushim skuadra do të rinis përgatitjet në kuadër të edicionit të ri futbollistik 2022-2023. Seanca e nesërme stërvitore është programuar të zhvillohet në orën19:00. Nën drejtimin e trainerit Dritan Mehmeti dhe stafit teknik lojtarët do të jenë të gjithë prezent në ‘Kompleksin Sportiv Partizani’”, shkruan klubi i kuq.
View this post on Instagram
