Në përmbyllje të mandatit të tij presidencial, Ilir Meta po zhvillon sot një vizitë zyrtare në Republikën e Kosovës.
Meta gjatë fjalës së ti të mbajtur gjatë konferencës për shtyp u shpreh se “e vetmja keqardhje që ka është që mund të kisha bërë edhe më shumë në përkrahjen e Kosovës nëse do të kisha më pak probleme të brendshme në Shqipëri”.
Gjithashtu ai premtoi se që nga 25 korriku, ditë në të cilën ai nuk do të jetë më president i vendit, do të bëjë shumë më tepër edhe për Kosovën.
“E dashur Vjosa nuk pranoj asnjë falënderim sepse kam bërë detyrën kushtetuese por dhe morale siç e ka dhe çdo qytetar i Shqipërisë. E vetmja keqardhje që kam është se mund të kisha bërë edhe më shumë në përkrahjen e Kosovës nëse do të kisha më pak probleme të brendshme në vendin tim gjatë këtyre 5 viteve. Ju jap fjalën se nga dita e hënë 25 në mëngjes do të bëj shumë më tepër edhe për Kosovën. Ajo që dua sot tju falenderoj për bashkëpunimin e shkëlqyer që kemi pasur me ju dhe me institucionet e Kosovës. Jam i binur që dhe presidenti i zgjedhur do të vazhdojë këtë traditë pozitive”, tha mes të tjerash Meta, gjatë fjalës së tij në konferencën e përbashkët me Presidenten e Kosovës, Vjosa Osmani.
