Kryebashkiaku i Vlorës, Dritan Leli është parë këtë të Premte të hyjë në ambientet e Prokurorisë së Posaçme.
Nuk dihet ende arsyeja e paraqitjes së Lelit në Prokurori.
Më herët gjatë ditës, kryeministri Edi Rama e sulmoi hapur kryebashkiakun Leli pë çështjen e pastrimit në Vlorë.
“Kemi bashki si Vlora që ka pasur një vëmendje të veçantë me të drejtës nga qeveria por që ka një kryetar bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht”, tha Rama gjatë një takimi me kryebashkiakë në Pogradec, ku Leli nuk u paraqit.
Më herët në mediat, është përfolur për një hakmarrje të mundshme të Ramës ndaj Lelit, marrëdhëniet mes të cilëve janë thyer prej kohësh.
Në një konferencë për gazetarët në Maj, Rama tha se SPAK duhet të veprojë kundrejt personave të korruptuar, ndërsa deklaroi se do të bëjë kallëzime edhe për kryetarë bashkie që sipas tij, kanë abuzuar me fondet publike.
Lexo edhe:
Pas daljes nga SPAK, Leli tregohet misterioz /Reagimi për gazetarët
