E ardhmja e Armando Brojës te Çelsi mbetet ende për tu vendosur me sulmuesin e Kombëtares që ka pasur në ditët e shkuara një ofertë konkrete nga ana e Uest Hemit e cila, tratativë e cila është stopuar nga tekniku i “Bluve”, Tomas Tuchel.
Sipas raportimeve nga “SportBible”, tekniku gjerman i ka kërkuar Brojës të presë disa javë dhe të shikojë gjendjen që skuadra do të ketë në repartin ofensivë për të vendosur më pas nëse do ta vazhdojë karrierën diku tjetër.
Tuhel e ka ftuar 20-vjeçarin të luaj shanset e tij në skuadër ku në sezonin e ardhshëm ka përmendur se ai mund te këtë minutazh përgjatë sezonit dhe se kjo do të varet vetëm nga forma që Broja do të tregojë.
Pas kësaj kërkese të teknikut gjerman mbetet për t’u parë nëse Broja do të vendosë të luftojë për vendin te Çelsi apo do të këmbëngul për një aventurë në një skuadër tjetër të Premier Ligës.
