Dashamir Shehi, deputet i opozitës, u shpreh mbrëmjen e së enjten në emisionin “Open” se zhvillimi nuk mund të vijë nga paratë e pista, por nga industrializimi i vendit.
Shehi tha se sot thuhet se turizmi do na zhvillojë, ndëërkohë që unë po ju them se turizmi zë vetëm 7 % të GDP.
“Italia e ka 13 %, Greqia po 13 %, ne e kemi 7 %, edhe këtë e kam me rezerva. Po turizmi në Shqipëri 3 muaj është, se po të vish në janar në Shqipëri çfarë do shikohet? Ja po të bëjmë pak gastronomi do shkojë 10 %, por imagjinoni pak ajo Italia që ka Venecian e Firencen e ka 13 %, ne që nuk kemi asgjë, sa do të shkojmë?
Dalin dhe thonë turizmi, turizmi, po pse zhvillimi nga kamarierëtdhe banakierët do na vijë? Po zhvillimi vjen nga inxhinierët, nga ekonomistët, nga juristët e kështu me rradhë.
Po pse mëshohet te turizmi? Se tallen me këtë popull dhe përfitojnë ca rrugeçër që ndërtojnë kullat në bregdet, i kthejnë në hotele dhe pastaj ec se fituam. Po çfarë janë këto muhabete? E shikoni sot as kamarier nuk gjejnë dot, se edhe ata çunat që punonin kanë ik”, tha Shehi.
