Në një deklaratë për mediat pas mbledhjes së qeverisë, kryeministri Edi Rama deklaroi se është zmbrapsur përfundimisht sulmi kibernetik mbi vendin tonë dhe pjesa më e madhe e shërbimeve të e-albania është rikthyer masivisht.
“Agresioni kibernetik ka ngjallur një shqetësim shumë të madh. Një agresion masiv kibernetik mbi shqipërinë është zmbrapsur përfundimisht dhe shërbimet për publikun të e-albania janë rikthyer masivisht dhe mbetet një numër i vogël i tyre për t’u rikthyer”, tha ai.
“Ky është një agresion i organizuar nga një shtet. Nuk kemi ende të gjitha provat për të përcaktuar një nga dy shtete”, shtoi Rama.
Ai tha se një skuadër speciale e angazhuar nga SHBA është angazhuar me skuadrat e AKSHI-t për të ndalur sulmin kibernetik në sistemin online qeveritar, ndërsa shtoi se do ketë një komunikim të dytë lidhur me çështjen për më shumë detaje.
