Ministri i Drejtësisë, Ulsi Manja, njoftoi pas mbledhjes së qeverisë se është miratuar harta e re gjyqësore.
“Është miratuar harta e re gjyqësorë, 13 gjykata të shkallës së parë, 1 të apelit dhe 2 administrative. E rëndësishme për zbatimin e reformës në drejtësi. Është produkt i një grupi ekspertë vendas e ndërkombëtar. Implementimi i hartës me faza. Harta e re gjyqësore ka disa risi, do bëjë shpërndarje të drejtë të çështjeve tek gjyqtarëve, do ulë kostot, ajo që kemi sfidë është që këtë fazë tranzitore, do e shfrytëzojmë si periudhë edukimi të qytetarëve për gjykatat e reja”, tha Manja.
“Qytetarët do t’i marrin të gjitha shërbimet gjyqësore në strukturat ekzistuese të Gjykatave. Implementimi i hartës do të bëhet me faza. Më 1 shkurt do të kemi përqendrimin e Gjykatës së Apelit në Tiranë, në 1 maj do të jenë Gjykata e shkallës së Parë të Juridiksionit të Përgjithshëm dhe më 1 korrik do të jetën Gjykatat Administrative të Shkallës së Parë”, shtoi ministri i Drejtësisë.
Harta e re gjyqësore është kundërshtuar masivisht nga avoketërit, që kanë bojkotuar seancat gjyqësore javët e fundit dhe kanë dalë në protesta. Madje, është paralajmëruar se çështja do të shkojë në Gjykatën Kushtetuese.
Aktualisht, Shqipëria ka 6 apele në të gjithë vendin dhe me hartën e re reduktohet në një Apel kombëtar, ndërsa 13 do të jetë numri i gjykatave të shkallës së parë nga 22 që është aktualisht.
