Debate në Kuvend mes Agron Shehajt dhe sekretarit të përgjithshëm të PS-së Damian Gjiknuri.
Deputeti i Partisë Demokratike, Agron Shehaj ka akuzuar Ministrinë e Turizmit se me anë të një VKM-je morën vendimin për të zvogëluar parkun e Butrinit, duke hequr një pjesë të zonës së mbrojtur për të bërë investitor strategjik kushërinjtë e ministrit Gjiknuri.
Në replikë, Gjiknuri i tha se ishte një ‘idiot i dobishëm”, i cili kishte paguar 700 mijë euro për tu bërë deputet.
Agron Shehaj: Mos ngatërroni hajdutët me sipërmarrësit. Mos dilni na bëni moral se unë gjoja hedh vrer mbi sipërmarrësit e ndershëm. Ju dilni garant për albstar apo kushërinjtë e Gjiknurit. Për çfarë dilni garant?! Çfarë provash do më shumë? Kjo është zyra e Andi shpk. Në 2017 e ka përdorur PS ka qenë zyrë elektorale e PS. Është adresa e Andi shpk që është shpallur investitor strategjik bashkë me një nga përfituesit më të mëdhenj të buxhetit të shtetit. E kuptoni këtë. Paratë që vidhni janë të qytetarëve, nuk mund ti vidhni me kushërinjtë tuaj. Ky është thelbi. Mos hajdeni të më thoni ku janë provat. Andi Gjiknuri, kushëriri i ministrit. Çfarëdo më shumë. Ashtu si MD. Albania mori 2.4 mln euro nga OST. I keni parë incineratorët. Nuk ka prova si vidhen me qindra miliona euro?! Bëhuni seriozë.
Damian Gjiknuri: Ky zotëria që unë do ta quaja idiot të dobishëm thërret ministren 1 orë në interpelancë për një çështje ska lidhje me të. Ti zotëri ke një hall tjetër. Je një idiot i dobishëm që merresh me kushërinjtë e mi që janë biznesmen që në 1991 që janë në punën e tyre dhe nuk të ka hyrë asgjë në xhep. Dhe për këtë je në gjykatën e Tiranës. Pse sjell gjykatën në Kuvend. E para ai nuk është djali I xhaxhait tim. Ti para ke! Për tu thonë se ke paguar 700 mijë për të zënë vendin. Ty të pëdorin ta ngrenë topin të marrin paratë, një herë të mori Luli, tani të mori foltorja. Ti atë punë ke. Unë nuk jam sit y, pot ë kisha para nuk kisha pse ti fshihja me kushërinj por e bëja sic e ke bërë ti tek rruga “Asim Zeneli”, E di mirë. Qëllon të jetë dhe afër stadiumit të albstar një pallat aty. Edhe ti që je “biznesmeni ligjshëm” nuk ke guximin të investosh dhe investon në emër të tjerëve. Bashkë takohemi në gjykatë mos e sill gjykatën e Tiranës në parlament. Merru me gjëra të dobishme. Mos u sill si idiot I nevojshëm. Të kanë gjetur dhe me para e të përdorin”
Kryetarja e Kuvendit Lindita Nikolla nuk pranoi ti jepte fjalën Shehajt duke thënë se nuk ka replikë mbi replikë.
