Ambasadorja e Shteteve të Bashkuara të Amerikës në Tiranë, Yuri Kim ka reaguar në lidhje me vendimin e qeverisë së Britanisë së Madhe, që ka paralajmëruar sanksione ndaj disa shqiptarëve, të cilët dyshohet se janë përfshirë në veprime kriminale dhe korrupsion.
Përmes një postimi në rrjetet sociale, Kim është shpreuhur se kushdo që ka abuzuar me besmin e publikut për të pasuruar veten, duke u përfshirë në korrupsion dhe minuar demokracinë, duhet të përballen me drejtësinë.
“Ne e mirëpresim këtë veprim të rëndësishëm të Britanisë së Madhe. Ata që kanë abuzuar me besimin e publikut për të pasuruar veten dhe për të shtrembëruar sundimin e ligjit, pra ata që janë përfshirë në korrupsion të madh dhe minuar demokracinë, duhet të përballen me drejtësinë. Askush nuk është mbi ligjin”, shkroi Kim në Twitter.
We welcome this important 🇬🇧 action. Those who have abused the public’s trust to enrich themselves & pervert the rule of law – in other words, those who have engaged in significant
corruption & undermined democracy – must face justice. No one is above the law. https://t.co/HFB3cIThVJ— Ambassador Yuri Kim (@USAmbAlbania) July 21, 2022
