Në agimin të enjtes së javës që kaloi(14 korrik), Said Lobo Bonilla, djali i ish-presidentit të Hondurasit Porfirio Lobo (2010-2014), u qëllua për vdekje së bashku me tre shokë të tjerë teksa dilnin nga një klub nate në qendër të qytetit Tegucigalpa.
Sulmi, i cili u regjistrua në kamerat e sigurisë, u krye nga burra të armatosur që hynë në parkingun e ndërtesës Torres de Morazán, në qendër të kryeqytetit të Hondurasit, ku ndodhej Lobo Bonilla, 19 vjeç dhe shoqëruesit e tij.
Të paktën pesë persona të armatosur bllokuan daljen e një parkimi dhe tërhoqën aty Said Lobo Bonillën dhe tre shokët e tij, duke i vendosur me shpatulla pas murit dhe duke i ekzekutuar. U eksekutuan dhe tre të tjerët, duke përfshirë nipin e ish-kreut të shefave të përbashkët ushtarakë të Hondurasit, nga dy automjete, sipas videos së sigurisë të incidentit të shpërndarë gjerësisht nga mediat lokale të lajmeve.
Siç shihet dhe në videon e bërë publike djali i ish-presidentit është nxjerrë nga automjeti i tij dhe më pas është qëlluar me plumb në kokë.
Teksa sulmuesit e veshur me uniforma largohen ata marrin dhe një shokun e tyre i cili dyshohet se është plagosur në ngjarje.
Porfirio Lobo, i cili sundoi Hondurasin nga 2010 deri në 2014, është baba edhe i një djali tjetër, i cili po vuan një dënim me burg në SHBA për trafik droge.
