Pak pas mesditës së të dielës, një automjeti në Fushë Krujë i ishte zënë pritë, ndërsa humbën jetën si pasojë e atentatit Brilant Martinaj, Besmir Hoxha dhe Diklen Vata.
Hetimet lidhur me ngjarjen e rëndë vijojnë, ndërsa janë publikuar pamjet e automjetit ku udhëtonin viktimat, i cili është bërë shoshë nga plumbat, ndërsa pjesa e brendshme e tij, u përfshi nga flakët.
Nuk dihet ende nëse zjarri që përfshiu automjetin u shkaktua nga breshëritë e armëve apo autorët kanë hedhur lëndë djegëse.
Në këtë foto të shkrepur me pamje ballore të makinës dallohen qartë shenjat e plumbave që kanë kapur automjetin tip Volkswagen Passat, ndërsa makina është në flakë.
Ndaj automjetit u shkrehën me dhjetra plumba kallashnikovi, ndërsa policia gjeti pas ngjarjes së rëndë dy makina të djegura, që dyshohet se janë përdorur nga autorët për të kryer atentatin dhe më pas për tu larguar nga vendi ngjarjes.
