Eksperti i ekonomisë Mateo Spaho dhe analisti Artur Zheji kanë bërë një analizë të anës financiare të luftës në Ukrainë.
Në krahun e tij, Spaho tha se burimi i vetëm financiar i qeverisë së Zelenskyt është ndihma nga SHBA dhe BE, ndaj 3 muajt e ardhshëm do të jenë vendimtar për fatin e Ukrainës, që nëse Perëndimi do t’i kërkojë të pranojë kushtet e Rusisë do ta bëjë pasi ‘s’do të kenë bukë të hanë’.
Edhe Zheji theksoi se lufta është tepër cinike, pasi vendet europaine kanë zbrazur magazinat duke çuar në Ukrainë armët më të vjetra që kishin.
Ai madje shtoi se ndihma 20 miliardë që Ukraina ka marrë për 3 muajt e ardhshëm s’është asgjë në krahasim me 30 miliardë euro që Rusia i merr në muaj vetëm nga shitja e gazit në Itali, të cilat i vendos në funksion të makinerisë së luftës.
Mateo Spaho: Po natyrisht. Së pari ju thatë që 20 miliardë janë ndihma ushtarake por ka edhe të tjera. Ato janë ndihma për buxhetin e Ukrainës dhe aprovuar 9 miliardë euro. Ukraina merr aktualisht 2 milionë euro nga mbledhja e taksave por I duhen çdo muaj 5 milionë euro. Zonat e prekura nga lufta si Dnipro përshmebull është vend me industri dhe aty ishte burimi i madh i buxhetit. Problemi është se i gjithë deti, përfshirë edhe qytetin e Odesës që është i lirë por në det është krijuar bllokadë nga anijet ruse. Ndaj Ukraina nuk eksporton dot, as grurin. Ndaj për 3 muajt e ardhshëm buxheti është i varur nga Perëndimi. Ndërsa vendimet e së ardhmes do të ndikohen nga Perëndimi, nëse ata do të thonë do të bësh marrëveshje me Rusinë do të bëhet se të nesërmen nuk ke bukë për të ngrënë.
Le të mos harrojmë se edhe Rusia nuk është në gjendje ekonomike aq të mirë. Ka vërtet 120 milionë banorë, por prodhimi i brendshëm bruto i Rusisë është më i vogël se i Italisë që ka 60 milionë banorë. Ata vërtet kanë zëvendësuar paninet dhe fast-food por nuk kanë zëvendësuar makinat, anijet. Ata vuajnë nga një zvogëlim i produkteve të përpunuara dhe burimeve të lëndës së parë. Pro ata janë eksportues të gazit dhe naftës dhe 101 mineraleve të ndryshme ndaj…
Artur Zheji: Ndihma ushtarake amerikane ka qenë deri tani 20 miliardë dollarë dhe janë parashikuar dhe 20 miliardë të tjera. Rreth 3 milionë paund është ndihma e Britanisë së Madhe dhe 2-3 milionë e këtyre vendeve të tjera të Evropës. Por Rusia vetëm nga gazi që shet në Italia merr 800 milionë euro në ditë, pra 30 miliardë euro në muaj dhe këto para i çon direkt te makineria e luftës. Akoma është forca e brendshme e Ukrainës që e mban frontin. Kalkulimi i gjeneralëve rusë që janë më të mirët nga ata që ka bota, pasi bën atë marrëzinë e fillimit , tani kanë bërë valët e goditjes graduale dhe e kanë vënë nën një presion të ngadaltë, si taktika e gjarprit që me shtrëngim e mbyt viktimën, tani e bën ngadalë për ta mundur Ukrainën në kohë. E bëjnë për të përçarë edhe fronin perëndimor me faktorin kohë.
