Komisioni i Reformës Territoriale zhvilloi diksutime me përfaqësues nga Ministria e Brendshme dhe institucionet e varësisë që kanë lidhje me çështjen. Në Komision folën dhe dy përfaqësues të Komunitetit Maqedonas në Pustec dhe Gollobordë.
Vasil Sterjovski, Kryetar i Shoqatës SONSE, u shpreh se emri i Bashkisë Pustec duhet të ndryshojë dhe të quhet Bashkia e Prespës pasi aty ndodhet dhe Parku Kombëtar. Ndërkohë nga ana tjetër Edmond Osmani nën kryetar i Shoqatës MOS, kërkoi mbështetjen e deputetëve që Golloborda tëbëhet bashki pasi do i ndihmonte në zhvillimin e marëdhënieve tregtare.
DISKUTIMI NË KOMISION:
Vasil Sterjovski: Respektimi i të drejtave themelore të minoriteve është shembull i demokracisë për një vend. Kerkojmë të merni parasysh të drejtat e minoritetit maqedonas që Bashkia Pustec të mbetet sërish bashki, Pusteci njihet si zona e Prespës, këtu është dhe Parku Kombëtar i Prespës dhe ka qenë që kërkesë që në 2012.që onkretisht bashkia e re të quhet Bashkia e Prespës, por Kuvendi nuk e miratoi atëherë.
Edmond Osmani: Golloborda përbëhet nga 25 fshatra, është një zonë 55 km me Bulqizën por nuk llogaritën km ato pasi duhen 3 orë të mbërrish. Jemi larg zonave për tregti për prodhimin për ta shitur në Bulqizë dhe Librazhd. Keni shansin të na ndihmoni të bëni një bashki për zonën e Gollobordës.
Dhurata Çupi: Unë kam qenë relatore dikur për pakicat kombëtare dhe e njoh mirë këtë ligj prandaj dhe ju thirrëm, që në final kjo reformë të jetë gjithëpërfshirëse.
Projektligji për ndarjen e re administrativo-territoriale pritet të miratohet në fund të muajit shtator. Gjatë verës do të ketë vetëm seanca dëgjimore me ekspertë, ndërsa projekt-harta do të punohet në fund të sezonit veror. Grupi për Territoriale përbëhet nga 16 anëtarë, 8 nga mazhoranca dhe 8 opozita, duke përfshirë edhe aleatët, Vangjel Dule e Mesila Doda. Socialistët kanë deklaruar se kundërshtojnë rritjen e numrit të bashkive dhe ndarjen në rajone. Demokratët shprehen se pakësimi i bashkive largojnë shërbimet nga qytetarët dhe se duhen shtuar zonat administrative.
