Një aksident me vdekje ka ndodhur këtë të Hënë në Vlorë, ku ka humbur jetën një burrë ende i paidentifikuar. Viktima, sipas policisë, është përplasur nga një kamionçinë teksa ecte.
“Rreth orës 08:40, në aksin rrugor Vlorë-Orikum, shtetasi K.M., 53 vjeç, duke drejtuar automjetin tip ‘Kama’, dyshohet se ka humbur kontrollin dhe ka aksidentuar një shtetas ende të paidentifikuar, rreth 60 vjeç, i cili si pasojë e dëmtimeve të marra ka ndërruar jetë në vendngjarje”, njofton policia.
Grupi hetimor ndodhet në vendngjarje dhe po kryen veprimet e mëtejshme për aksidentin, shtojnë të njëjtat burime.
