Policia arrestoi në Tiranë disa shtetas, të cilët dyshohet se shpërndanin narkotikë në zona të ndryshme të kryeqytetit.
Policia njoftoi se ka finalizuar tre operacione të koduara “Cooper”, “The departed” dhe “Seller”, për goditjen e veprimtarisë kriminale në fushën e narkotikëve.
Policia ka sekuestruar një sasi lëndë narkotike të ndara në doza, shuma parash dhe dy automjete.
Njoftimi i policisë:
Finalizohen brenda 24 orëve, 3 operacione policore, të koduara “Cooper”, “The departed” dhe “Seller”, për goditjen e veprimtarisë kriminale në fushën e narkotikëve.
Operacionet u zhvilluan nga Seksioni për Hetimin e Narkotikëve në DVP Tiranë, Sektori i Forcës së Posaçme “Shqiponja” dhe Komisariati i Policisë Nr. 2.
Në kuadër të operacionit policor të koduar “Cooper” u bë arrestimi në flagrancë i shtetasve:
– D. K., 24 vjeç, K. V., 32 vjeç, dhe R. K., 34 vjeç, për veprën penale “Prodhimi dhe shitja e narkotikëve.
Në kuadër të operacionit policor të koduar “The departed” u bë arrestimi në flagrancë i shtetasve:
– E. H., 19 vjeç, dhe B. M., 19 vjeç, të dy banues në Tiranë, për veprën penale “Prodhimi dhe shitja e narkotikëve”.
—
Në kuadër të operacionit policor të koduar “Seller” u bë arrestimi në flagrancë i shtetasit:
– M. Z., 27 vjeç, banues në Tiranë, për veprën penale “Prodhimi dhe shitja e narkotikëve”.
Gjatë kontrollit fizik dhe të banesës, nga shërbimet e Policisë, shtetasit M. Z. iu gjet dhe iu sekuestrua, në cilësinë e provës materiale, sasi lënde e dyshuar narkotike e llojit cannabis sativa, një pjesë e ndarë në doza, gati për shitje.
Materialet i kaluan Prokurorisë, për veprime të mëtejshme procedurale
