Një kompani eventesh, ’Phantom Labs’, ka paditur reperin Kanye West për faktin se i detyrohet 7 milionë dollarë për një sërë punësh që u ngarkuan që nga viti i kaluar, duke përfshirë organizimin e paraqitjes së tij të anuluar në Coachella.
Sipas dokumenteve, të publikuara nga revista Variety, kompania pretendon se ata filluan të punojnë me West në vjeshtën e vitit 2021 për të rinovuar një magazinë industriale që reperi donte ta kthente në një studio krijuese. Megjithatë, ai kurrë nuk pagoi për atë projekt.
Ndër detyrat e tjera të marra nga Phantom Labs për të cilat West gjithashtu nuk arriti të paguante ishin disa koncerte në serinë e tij ‘Sunday Services’. Kompania organizoi edhe eventin në Majami, në të cilin Kanye njoftoi publikimin e albumit të tij të fundit, Donda 2, në shkurt të këtij viti dhe për të cilin kërkojnë 2.2 milionë dollarë.
Përveç kësaj, paditësit po kërkojnë gjithashtu më shumë se një milion dollarë që duhet të paguanin kur West u tërhoq nga festivali muzikor Coachella para se të fillonte.
Sipas padisë, përfaqësuesit e West ranë dakord t’i paguanin Phantom Labs 5 milionë dollarë si pagesa të prapambetura në këmbim të organizimit të koncertit të tij në Coachella.
Kujtojmë se pak ditë më parë, West u padit nga një kompani me qira e kostumeve, e cila pretendon se reperi nuk ka kthyer 13 veshjet dhe ka tarifa të papaguara qiraje. Ata kërkojnë 400 mijë dollarë.
