Detaje të reja kanë dalë në dritë për atentatin mafioz që ka ndodhur sot në mbikalimin e Fushë-Krujës, ku viktima mbetën Brilant Martinaj, Besmir Hoxha dhe Diklen Vata.
Pasi zjarri është shuar tërësisht në makinën e dyshuar të përdorur nga autorët, janë gjetur në brendësi tre armë zjarri automatike.
Targa e automjetit del se është kallëzuar si e vjedhur në Tiranë, në këtë vit.
Dyshohet se kanë qenë në total katër autorë, ku tre kanë dalë nga makina e kanë qëlluar drejt mjetit ku ishin viktimat.
Diklen Vata ka arritur të dalë i plagosur e gjallë nga automjeti. Mirëpo, autorët i kanë shkuar pranë dhe e kanë qëlluar me armë sërish, duke e lënë të vdekur.
Në vendngjarje janë gjetur në total rreth 50 gëzhoja automatike.
Ngjarja dyshohet se ka ndodhur për hesape mes bandave, kryesisht për trafik droge.
