Ministrja e Jashtme, Olta Xhaçka, reagoi pas miratimit në Kuvendin e Maqedonisë së Veriut të propozimit francez. Me anë të një statusi në rrjetet sociale, Xhaçka theksoi se tani “Shqipëria shikon përpara, drejt fillimit të negociatave zyrtare dhe Konferencës së I-rë Ndërqeveritare”.
“Më në fund rruga është e qartë! Urime Maqedonisë së Veriut për miratimin e propozimit francez, duke zhbllokuar në këtë mënyrë perspektivën tonë në BE. Shqipëria shikon përpara, drejt fillimit të negociatave zyrtare dhe Konferencës së I-rë Ndërqeveritare, me të njëjtin angazhim për integrimin në BE që ka treguar gjithmonë! Kanë kaluar 3 vite! Momenti për të kompensuar kohën e humbur”, shkruan ministrja Olta Xhaçka në rrjetet sociale.
