Një person i shpallur në kërkim nga autoritetet gjermane është arrestuar në pikën kufitare të Muriqanit.
A.K. 32 vjeç, lindur në Kazakistan dhe banues në Gjermani, u vu në pranga, konfirmon policia
“Specialistët për Hetimin e Narkotikëve dhe Trafiqeve të Paligjshme bënë ndalimin e këtij shtetasi, me qëllim ekstradimin e tij në Gjermani, pasi Gjykata Lokale e Kempten, Gjermani, me vendimin e datës 27.04.2022, i ka caktuar masën e sigurisë ‘Arrest në burg’, për veprën penale ‘Shkelje e ligjit për narkotikët’, parashikuar nga Kodi Penal i Gjermanisë. Në bashkëpunim me autoritetet ligjzbatuese gjermane po kryhen veprimet për ekstradimin e këtij shtetasi, në Gjermani”, thuhet në njoftimin e bluve.
