Policia greke ka arrestuar dy shqiptarë, pasi u kapën duke transportuar 128,5 kilogramë kanabis. Mediet greke raportojnë se dy shqiptarët u kapën nga policia në rrugën Ionia në Arta.
Të arrestuarit akuzohen për import, transportim, trafikim të lëndëve narkotike, falsifikim dokumentesh dhe për hyrje të paligjshme në vend.
Shqiptarët u arrestuan nga policia gjatë një kontrolli rutine.
Raportohet se njëri prej të arrestuarve posedonte një kartë identiteti false greke, ndërsa ndaj tij kishte masë ndalimi hyrjeje në tokën helene.
