Ish ministri i Bujqësisë, Edmond Panariti i ftuar në emisionin “Me Xhaxhiun” në ‘Fax News’ ka folur për problemet që po kalon bujqësia në Shqipëri, ndikuar kjo edhe nga kriza globale.
Panariti bën thirrje që qeveria shqiptare duhet të kthejë vëmendjen dhe të subvecionojë duke nxitur prodhimin vendas.
‘Ne jemi në krizë ushqimi në shkallë blogale, kjo nuk lidhet vetëm me atë që po ndodh në Ukrainë ku kemi bllokim të tregjeve nga dy prodhuesit më të mëdhenj të drithërave. Këto dy vende janë në luftë dhe për pasojë Europa ndodhet në krizë ushqimesh. Gjithashtu ndikon edhe kushtet klimatike, ju e shikoni cfarë po ndodh në rang global, rritje e pabesueshme e temperaturave e cila ka impakt të drejtpërdrejtë në bujqësi dhe uljen e prodhimit të saj. Mund të ndodhemi edhe në mungesë të produkteve bujqësore. Roli i bujqësisë ke ne duhet të jetë një lokomotivë dhe të dyfishojë prodhimin bujqësia në Shqipëri. E gjithë vëmendja e qeveris ë por edhe e shoqërisë duhet të kthehet te bujqësia. Normalisht është bujqësia që e mban vendin e populluar. Ne kemi dimesion të rëndësishëm rural pavarësisht se po rudhet cdo ditë edhe më shumë. Tashmë po ndodh një fenomen i madh që është shpopullimi i fshatrave dhe për pasojë ulja e prodhimit të bujqësisë. Duhet të kemi vëmendje të shtuar dhe ta mbajmë në këmbë këtë sektor.
Ne jemi pak konkurrues në raport me importin për disa arsye. Bujqësia financohet më pak nga fqinjët tanë dhe për rjedhojë prodhon me kosto të lartë dhe i bie më lirë të importosh sesa të prodhosh dhe ta nxjerrësh në treg. Pra në radhë të parë qeveria mbështet pak bujqësinë”, tha Panariti.
