Harta e re gjyqësore është debatuar sot në Komisionin e Ligjeve me pjesëmarrjen e drejtuesve të Dhomës së Avokatisë së Shqipërisë, Kryetares së KLGJ, si dhe deputetëve anëtarë të këtij komisioni.
Debati nuk ka dhënë një zgjidhje pasi nga mazhoranca socialiste dhe KLGJ i është qëndruar deri në fund variantit që pritet të kalohet në Qeveri, duke ngritur pikëpyetje të mëdha edhe mbi pavarësinë e një prej institucioneve të reja të Drejtësisë, KLGJ-së.
Anëtari i Komitetit Drejtues të Dhomës së Avokatisë, Arenc Berati shprehet në rrjetet sociale se harta e re gjyqësore është harta e padrejtësive. “Drejtësia është kthyer në një plaçkë të pavlerë”, shkruan ai, ndërsa paralajmëron zhvillimin e një proteste para KLGJ ditën e enjte në orën 11:00.
Postimi nga *Arenc Berati
Harta e re drejtesise eshte harta e re e padrejtesise. Eshte kerkuar që të pezullohet shqyrtimi nga qeveria e hartës gjyqësore për sa kohë janë duke shqyrtuar hartën territoriale. Kjo do të thotë që në qoftë se ti sot bën një Gjykatë Apeli dhe bën katër rajone prap nuk përputhet.
Ne komision e Ligjeve sot Kryetari Maks Haxhia ka thene :
“Qëndrimin e Dhomës së avokatisë së Shqipërisë “, ne kemi qenë, jemi dhe do të jemi për reformën në drejtësi dhe asgjë që ka të bëjë me hartën e re gjyqësore askush s’duhet ta interpretojë si qëndrim kundër reformës në drejtësi. Vendimet tona mund t’i gjykoni si qëndrime politike, por ne nuk i përkasim asnjë krahu politik dhe vendimet tona janë të pastra të ndërmarrë vetëm si Dhomë Avokatie.
Harta e re e gjyqësorit nuk është vetë reforma në drejtësi, por është një hartë për të pasur drejtësi sa më kualitative dhe për ta afruara më pranë publikut,. Ne përfaqësojmë publikun dhe e kemi bërë shumë të qartë. Ne nuk kemi hallin sesi do të paguhemi por që drejtësia të jetë efiçente dhe me këtë hartë të re gjyqësore drejtësia nuk është eficente. Ne i kemi paraqitur arguemntet tona të pakundërshtuara dhe të krahasuara me rajonin.
Neser perpara KLGJ ne ora 11.00 per te protestuar , per qendrim absurd te KLGJ lidhur me harten e re gjyqesore . Na degjoni, neser do jete vone “ Drejtesia eshte kthyer ne nje placke te pavlere nga pseudoreforma ne Drejtesi Bashkohuni neser per nje ze te fuqishem, qe mos te kemi nje harte te padrejtesise.
*Anëtar i Komitetit Drejtues të Dhomës së Avokatëve të Shqipërisë
