Robert Lewandowski bën një hap pas dhe bashkohet me Bayern Munich edhe pse e ka bërë të qartë që nuk synon të vazhdojë karrierën në Gjermani. Në fund të sezonit, Këpuca e Artë u shpreh publikisht se kishte ardhur momenti që Bayern Munich ta linte të lirë pas 8 viteve por drejtuesit e lartë të klubit nuk e mendojnë kështu.
Oliver Kahn kërkon të arkëtojë jo më pak se 55 milionë edhe pse ka vetëm 1 vit në kontratë. Edhe pse kishte deklaruar që nuk do të prezantohej në stërvitje, të martën në mëngjes, 33-vjeçari hyri në qëndrën stërvitore me makinën e tij dhe nuk u ndal në derën hyrëse.
Lewa do t’u nënshtrohet testeve fizike pas një muaji pushim por do të vazhdojë të jetë në pritje të marrëveshjes që pritet të arrijë Bayerni me Barcelonën edhe pse katalanasit e kanë bërë të qartë që nuk mund të shkojnë më shumë se 50 milionë.
