Një nga nënkryetarët e Partisë Demokratike Luçiano Boçi ose Oerd Bylykbashi do të jetë në krye të grupit parlamentar të PD-së në vjeshtë. Këtë përgjigje dha në studion e Debatit në A2cnn, deputetja demokrate Albana Vokshi, bazuar në statutin e kësaj force politike, ndërsa shigjetoi Enkelejd Alibeajn si të përdorur nga Edi Rama dhe Taulant Balla.
“Do të kërkojmë të zbatohet statuti i PD që parashikon që një nga nënkryetarët e PD, do të jetë kreu i grupit PD, ose Luçiano Boçi ose Oerd Bylykbashi. Pjesa tjetër që e ka përcaktuar Rama si opozitë në marrëveshjen okulte. Ne do të respektojmë statutin dhe nuk do merremi me atë që ata kanë në plan, por do të jemi një opozitë e PD që e besojnë qytetarët. Koha e Lulzim Bashës ka ikur tashmë dhe atyre që e ndihmojnë në agjendën që ka që bie ndesh me interesat e demokratëve dhe elektoratit të djathtë. Agjenda e tyre që lobojnë kundër interesit PD ndërkombëtarisht është e tyre që kanë kontakte dhe kanë lobuar. Ata që merren me lobime dhe që mund të ndikojnë protestën dhe një përçarje të PD, nuk besoj që do kenë sukses, por është mirë të jenë pjesë e PD dhe të shkojnë atje ku elektorati ka votuar. Jo të behën palë e interesave dhe një agjende që shfrytëzohet në mënyrën më skandaloze nga kryeministri Rama, i cili ka tentuar mes atyre personave që të emërojë edhe opozitën”, tha ajo.
Vokshi apelon për një bashkim të grupit parlamentar, ku edhe këtu akuzon Alibejan dhe Bashën se nuk do bashkimin e PD, por përçarjen e partisë duke dëmtuar opozitarizmit. Kjo sipas saj është agjendë e kahershme e tyre.
“Duhet të jemi një grup parlamentar, nuk duhet të jemi ca të përjashtuar , ca të përjashtuar nga fjalimet e va nga grupet parlamentare se ashtu do Alibeaj dhe Basha. Unë figuroj si deputete jashtë grupeve parlamentare. Asnjë deputet nuk përjashtohet nga një grup parlamentar nëse nuk do deputeti. Ashtu ka vendosur Alibeaj, Balla, Nikolla dhe Rama. Nikolla duhet ta kishte refuzuar një kërkesë të tillë të paraqitur të Alibejat. Jemi në shkelje flagrante të Kushtetutës. Albeaj dhe Balla nuk duan që kjo të jetë opozitë e bashkuar në PD. Kjo është agjendë e kahershme e tyre. Por ne nuk mbetemi peng ai agjendave të tyre, por do të jemi një opozitë dinjitoze. Ne nuk përjashtojmë as Bashën, është deputet i PD”.
Bashkëpunimin e sheh me këdo që ka një agjendë kundër qeverisje ssë Ramës, përfshirë eshe LSI-në e Ilir Metën i cili pas 24 korrikut rikthehet aktiv në politikë.
“Është krijuar një front për shpëtimin e Shqipërisë ku janë të ftuara të gjitha partitë. LSI ka qenë pjesë e organizmit të protestës. Bashkëpunimi me këdo që ka një agjendë përballë me kryeministrin Rama dhe keqqeverisjen ne jemi të hapur. Është bashkëpunim i natyrshëm që ka këtë agjendë që kapërcen dhe interesat personale politike”.
Deputetja demokrate foli edhe për zgjedhjet e ardhme në bashki, për të cilat sipas PD do të nisë së shpejti punën me primaret dhe mundësinë e votimit të simpatizantë.
Edhe për bashkinë e Tiranës, Vokshi tha se emri do të dalë nga strukturat dhe jo nga kryesia e PD-së, ndërsa akuzoi kreun aktual të bashkisë, Veliaj, se pas skandalit të inceneratorëve duhet të ishte çuar pas hekurave.
