Aktorja e famshme Busisiwe Lurayi ka ndërruar jetë papritur në moshën 36-vjeçare. Mësohet se ajo ka vdekur në shtëpinë e saj në Afrikën e Jugut, ndërsa lajmin e trishtë e bëri me dije familja e aktores.
“Jemi thellësisht të pikëlluar që ju njoftojmë për ndarjen nga jeta të të dashurës tonë Busisiwe Lurayi. Busisiwe ndërroi jetë papritmas dhe u shpall e vdekur në rezidencën e saj të dielën [10 korrik 2022] nga personeli mjekësor.”- deklaron familja e saj.
Në deklaratë thuhet se shkaku zyrtar i vdekjes është ende i panjohur, teksa priten rezultatet e autopsisë.
Lurayi ishte pjesë e serialit “How to Ruin Christmas” që nga viti 2020, ku interpretonte personazhin e Tumi Sello. Ajo fitoi çmimin “SAFTA Golden Horn” për aktoren më të mirë në një serial komedi, pikërisht për këtë rol, ndërsa ka interpretuar në disa seriale dhe filma të tjerë përgjatë viteve.
