Deputetja demokrate Ina Zhupa, përmes rrjeteve sociale, denoncon procedurën e përshpejtuar që mazhoranca po përdor për shqyrtimin e dekretit të Presidentit Ilir Meta, i cili ktheu pas për shqyrtim në Kuvend, lidhur me koncensionin e Parkut të Butrintit.
Zhupa thekson se shpejtësia tregon se mazhoranca nuk merr parasysh vërejtjet e Presidentit, ndërsa shton se opozita do të vijojë betejën për mbrojtjen e Parkut të Butrintit.
“Paligjshmëria, rreziku për identitetin kombëtar, tjetërsimi historisë, janë shtyllat kryesore ku mbahet ky koncension”, shkruan Zhupa.
Postimi nga Ina Zhupa
Beteja e rradhës për koncensionin e Butrintit, nesër në orën 10:00 në komisionin e ekonomisë.
Sic e kanë bërë zakon vazhdojnë me paligjshmëri dhe shkelje kur trajtojnë koncensionin e Butrintit. Në kalendarin e punimeve 11- 29 korrik që kemi marr në emaile si deputet, nuk ka qene e parashikuar per keto 3 jave shqyrtimi i dekretit të presidentit.
Me urdhër nga lart kanë lajmeruar deputetët e komisionit të ekonomisë që mbledhja do zhvillohet nesër 12 korrik.
Me të njëjtën filozofi nuk do cuditesha sikur ta fusin pa rradhë edhe të enjten në seancë plenare për ta kaluar koncensionin sa më shpejt.
Shpejtësia tregon që nuk kanë marr parasysh asnjë nga shkeljet kushtetuese, ligjore që paraqet dekreti i presidentit.
Paligjshmëria, rreziku për identitetin kombëtar, tjetërsimi historisë, janë shtyllat kryesore ku mbahet ky koncension.
