Pjesa e parë e ditës do të jetë kryesisht në dominimin e kthjellimeve në pothuajse gjithë vendin tonë, parashikon MeteoAlb.
Gjatë pjesës së dytë të ditës parashikohet që herë pas here të ketë kalime vranësirash në të gjithë territorin, ku më të dukshme do të jenë në zonat malore.
Pritet që vranësirat të pësojnë zhvillime të përkohëshme në zonat malore duke sjellë momenta të pakta me shira të izoluar.
Temperaturat e ajrit do të mbeten të pandryshuara në mëngjes dhe në mesditë duke luhatur vlerat ditore nga 8°C deri në 32°C.
Era do të fryjë mesatarisht me shpejtësi 45 km/h nga drejtimi Veriperëndimor duke krijuar në brigjet detare dallgëzim deri në 2 ballë.
