Qendra më e njohur arkeologjike në Shqipëri, qyteti antik i Butrintit, pritet të jepet me koncesion.
Kjo ka shkaktuar shumë debate në vend, teksa ka ngritur në këmbë Aleancën për Mbrojtjen e Butrintit.
Kjo e fundit bashkë me anëtarë të opozitës ka shkuar këtë të diel në qytetin antik, teksa ka bërë thirrje për mbrojtjen e Butrintit.
Reagimi i tyre ka qenë i ashpër, teksa janë shprehur se do të ndjekin edhe në rrugë ligjore këtë çështje.
Gazetari Aulon Kalaja thotë se dekreti i presidentit do të kthehet në Komisionin e Ekonomisë në datën 12 korrik, ndërsa shprehet se dhënia me koncesion e Butrinti konsiderohet si një masakër kulturore.
Ndër të tjera ai fton qytetarët në Tiranë të martën në orën 10:00 t’i bashkohen protestës.
“Të martën në orën 10:00 të mblidhemi para Kryesisë së Kuvendit, pasi më 12 korrik do të kalojë dekreti i presidentit për ta rrëzuar në komisionin e ekonomisë dhe pastaj dihet rruga që nga komisioni i ekonomisë do të kalojë në seancë plenare për t’u rrëzuar dhe përfundimisht këtë vend këtu e marrin disa njerëz që nuk i njohin por janë grekë që duan ta marrin Butrintin dhe t’ia bashkëngjisin shtetin fqinj”, tha Kalaja.
