Këngëtari Ricky Martin ka mohuar akuzat për dhunë, por ndaj tij, është lëshuar një urdhër ndalimi, i firmosur të premten pasi autoritetet morën një ankesë nga një burrë. Sipas gazetës portorikane El Vocero, personi në fjalë kishte qenë në një lidhje për 7 muaj me këngëtarin para se të ndaheshin.
Gjatë fundjavës u zbulua se Ricky Martin po përballet me një padi për dhunë në familje në Puerto Rico, e cila përfshin edhe një urdhër mbrojtje ndaj këngëtarit të konfirmuar nga policia.
Urdhri i gykatës është lëshuar nga gjyqtarja Raiza Cajigas Campbell, e Gjykatës së Shkallës së Parë të San Juan, pas një kërkese “ex parte”. Lajmin e konfirmoi edhe Policia.
