Kuvendi i Shqipërisë do të mbajë sot një seancë ku pritet të miratojë projekt-rezolutën mbi gjenocidin në Srebrenicë. Në projekt rezolutën e dorëzuar nga një grup deputetësh të Partisë Socialiste konfirmohet qëndrimi i Shqipërisë se mohimi i gjenocidit të kryer ndaj popullatës boshnjake nga forcat serbe të Bosnjës përbën shkelje të ligjit ndërkombëtar.
Sipas nismëtarëve, rojekt-rezoluta iu referohet 3 rezolutave të miratuara nga Parlamenti Europian në vitet 2005, 2009 dhe 2015.
Deputetë të opozitës, mbështetës të ish-kryeministrit Sali Berisha, u përpoqën pa sukses në mesin e muajit maj të përfshinin në punimet e Kuvendit një projekt-rezolutë për Srebrenicën.
Deputetët socialistët penguan kalimin e saj në seancë plenare.
Në tragjedinë e Bosnjes në vitin 1995 u vranë më shumë se 8 mijë civilë të moshës nga 12 vjeçar deri në 77 vjeç.
Masakra është regjistruar në rajonin e Srebrenicës nga Ushtria e Republikës Serbe nën udhëheqjen e gjeneralit Ratko Mlladiç.
