Një person ka rrezikuar të mbytet në det ditën e sotme në afërsi të “Plazhit të Vjetër”, në Vlorë .
Ngjarja ka ndodhur rreth orës 08:40, ndërkohë që 50-vjeçarja është transportuar në spitalin e Vlorës dhe ndodhet në gjendje të rëndë shëndetësore.
“Sot, rreth orës 08:40, në afërsi të “Plazhit të Vjetër”, një shtetase ende e paidentifikuar, rreth 50 vjeçe, ka rrezikuar të mbytet në det. Kjo shtetase është transportuar në spitalin e Vlorës dhe ndodhet në gjendje të rëndë shëndetësore”, njofton policia.
Grupi hetimor po punon për sqarimin e plotë të rrethanave të ngjarjes, shtuan të njëjtat burime.
