Orges Shehi, trajneri i Tiranës, pas humbjes së pësuar ndaj Dudelande me rezultatin 1-0, deklaroi në Oversport: “Ka dhe ndeshje kthimi, kemi besim për ta përmbysur rezultatin në Tiranë.
Si mund ta marrin Veseli dhe Totre topin, kur të gjithë kundërshtarët janë bosh, dalin jashtë loje ata, kur kundërshtarët mbrohen në 40 metra. Kërkonim të luanim shpejt dhe të ndërronim krahun e lojës.
Presioni kundërshtar na bëri që të gabojmë. Nuk jam dakord kur thoni që 2 mesfushorët duhet të futen në lojë, kur në boshtin qendror ata kanë 8 lojtarë”.
“Devid duhej zëvendësuar më shpejt? Ne ishim gati për të ndryshuar. Do ndërronim një mesfushor dhe të fusnim Hasanin. Kartoni i kuq i Limajt na i prishi planet.
Situatat e lojës rrjedhin shumë shpejt, nuk e menduam kartonin e kuq tonin që do të vinte aq shpejt”.
“Taulanti mund të luajë edhe në majë të sulmit, por është më efikas në krah, por varet nga kundërshtari. Mos harrojmë që ka bërë 18 gola duke luajtur në krah”.
