Në takimin e 13-të të Nënkomitetit për Tregtinë, Industrinë, Doganat dhe Tatimet ndërmjet BE-së dhe Shqipërisë, u kririkua marrëveshja për portin e ri të Durrësit.
“Lidhur me marrëveshjet tregtare ndërmjet Shqipërisë dhe Emirateve të Bashkuara Arabe, Komisioni theksoi nevojën për qartësi të marrëveshjes tregtare në lidhje me mënyrën se si kompanitë e BE-së mund të konkurrojnë mbi baza të drejta dhe të barabarta për kontrata publike, siç parashikohet në Marrëveshjen e Stabilizim-Asociimit”, thuhet në një njftim të Delegacionit të Bashkimit Evropian në Shqipëri.
Lidhur me këtë ka reaguar dhe ish-ministri demokrat Genc Pollo, i cili kujton dhe drekën e famshme të disa qeveritarëve te restoranti super-luksoz i shefit me famë botërore Nusreti. Pas publikimit të fotove, Rama do të shprehej se u diskutua për projektin e portit.
Në një postim në FB, Pollo shkruan:
“Edhe pazari i ‘Biftekut tek Nusreti’ në Emirate është një tjetër pengesë e Ramës në rrugën e Shqipërisë drejt Europës. Rama gjeti gjoja me një miliarder arab por në fakt don të bëjë transferimin e pronës publike në portin Durrës e përreth tij tek privati i preferuar”.
