Shqiptarë nga e gjithë bota, artistë, pedagogë, sipërmarrës, studentë, kanë dërguar video-mesazhe ku bëjnë thirrje për protestë masive nesër në Tiranë, në orën 19.00.
Ata i janë bashkuar kauzës së ngritur nga “Fronti për të shpëtuar Shqipërinë”.
I pari i cili do të japë mesazhin e tij, është Daniel Nikolla, profesionist në Britaninë e Madhe. Nikolla në video-mesazhin drejtuar shqiptarëve thekson se në Shqipëri janë shtuar fasadat, por po ikin shqiptarët, janë shtuar patronazhistët, por është dëmtuar subkoshienca e protestave.
Ai ka ftuar shqiptarët që të reagojnë përgjallë gjendjes së krijuar, ndërsa thekson se Shqipëria nuk mund të vijojë të mbahet nga reminitancat e emigrantëve.
