Është parandaluar një ngjarje e mundshme kriminale në familje. Një 40-vjeçar ka kanosur me thikë prindërit e tij.
Ka qenë babai i 40-vjeçarit ai i cili ka bërë kallzim në polici.
“Djali 40-vjeçar me inicialet T.Xh. ushtronte dhunë fizike në mënyrë të vazhdueshme ndaj prindërve të tij, si dhe i kishte kanosur ata me mjet prerës (thikë), ndaj është kapur dhe shoqëruar në ambientet e Policisë”, njofton policia.
40-vjeçari dyshohet se në mënyrë të vazhdueshme, nën efektin e lëndëve narkotike, ka ushtruar dhunë fizike dhe psikologjike ndaj prindërve të tij dhe i ka kanosur ata me mjet prerës thikë.
