Kryebashkiaku i Tiranës Erion Veliaj ka folur sot në lidhje me Teatrin e Ri Kombëtar që do të fillojë punimet këtë vjeshtë si dhe ka deklaruar se do të kandidojë për një mandat të tretë si kryebashkiak në Tiranë.
Në një intervistë për News24, Veliaj ka ironizuar edhe protestën e 7 korrikut duke thënë thënë se “çfarë është kjo protestë pa logjikë në mes të vapës?!”. Veliaj tha se protesta i shkakton dhimbje koke, por shtoi se qytetin do e pastronte për 15 minuta. Ai tha se nuk diskutohet që opozita di të bëjë protesta, por problemi është se si është rruga më e mirë për të rritur një parti, dhe kjo arrihet përmes hapjes.
Lidhur me zgjedhjet e brendshme në PS, Veliaj tha se jemi në gjysëm të procesit, ndërsa shtoi se një njësi në Tiranë, është e barazvlefshme me një bashki të rangut të parë. “Jam krenar për procesin që po ndodh në PS”, tha Veliaj. Sipas PS, nuk është partia që shkatërron qytetet, hipën mbi kofano makinash etj.
Në vijim Veliaj foli me superlativa edhe me medaljet që sportistët shqiptarë kanë marrë në garat ndërkombëtare, duke u shprehur se gjithçka ka lidhje me investimet që janë bërë, me ndryshimin e mentalitetit në federata, veçanërisht në KOKSH.
