Krzebashkiaku Erion Veliaj, njëherayi edhe drejtues i PS në Tiranë, po shfaqet si një nga zyrtarët socialistë, më të shqetësuar nga protesta e 7 korrikut, e thirrur nga PD, shoqëria civile dhe parti të tjera opozitare.
Gjatë takimit me socialistët e njësinë 7, Veliaj,pyeti se për çfarë do protestojë Sali Berisha në 7 korrik? Dhe pavarësisht se prej disa ditësh po thuhen arsyet e thirrjes së protestës, që nisin nga rritja e çmimeve të produkteve bazë, rritja e varfërisë, çpopullimi i vendit dhe plot probleme të tjera që përballen qytetarët, Veliaj ka zgjedhur të bëjë diversione, duke përfshirë këtu edhe Presidentin Ilir Meta.
“Pse do bëhet protesta Që të ikë Luli dhe të vijë Meta?
Nuk e kuptoj për çfarë protestojnë këta sepse as tërmetin, as pandeminë, as krizën energjitike nuk e shkaktoi qeveria jonë. E kuptoj kur dikush proteston për ngjarjet e 21 janarit, ku u vranë njerëzit në Bulevard.
E kuptoj kur dikush proteston për Gërdecin se aty u hodhën njerëz në erë. Por të protestosh për gjëra që nuk i ka në dorë qeveria, përkundrazi qeverisë i ka rënë barra t’i zgjidhë, edhe pse shkaktohen tjetërkund, kjo është çudia e tyre.
Por këta edhe kur organizohen në betejë kundër nesh thonë, do t’i rrëzojmë këta socialistët, por Luli dhe shpura e tij të mos vijnë.
Njëri thotë të vijë Ilir Meta, tjetri thotë të mos vijë Ilir Meta. Pra, filozofia e tyre është ndarja. Këta mendojnë se bëhen më të fortë duke u përçarë. Ne kemi filozofi krejt tjetër, mendojmë se bëhemi më të fortë duke u shtuar, si një familje.
Unë e di se çfarë do ndodhë në 7 korrik! Atyre të Lulit do t’u thonë ikni”, tha Veliaj.
