Një ngjarje e rëndë ka ndodhur ditën e sotme në fshatin Dukas të Patosit ku një 30-vjeçar ka plagosur me thikë nënën e tij.
Raportohet se Klaudio Çobaj sapo kishte mbërritur nga Gjermania dhe i ka kërkuar para mamasë së tij Donika, por kjo e fundit nuk i ka dhënë.
Kjo ka bërë që të nisë një debat mes tyre, i cili ka përfunduar me goditjen me thikë disa herë në trup të nënës së tij.
Sipas informacioneve paraprake, 30-vjeçari është arrestuar nga policia dhe bëhet me dije se ai ka qenë nën efektin e alkoolit.
Ndërkohë, 50-vjeçarja ndodhet në spital nën kujdesin e mjekëve dhe gjendja e saj shëndetësore shfaqet e rëndë pasi ka humbur shumë gjak.
Pas ngjarjes së rëndë, kanë folur mes lotësh fqinjët, të cilët e përshkruajnë autorit si djalë të urtë.
Ata thanë para gazetarëve se autori punonte në emigrim dhe ishte djalë i shkëlqyer, madje mes tyre nuk kanë dëgjuar debate. Fqinjët shprehen se janë të shokuar nga ngjarja.
“Janë familje e shkëlqyer. Asaj i ka vdekur burri. Ajo e di hallin, nuk e dimë ne. Djali punonte jashtë shteti në emighrim, vinte ikte. Nuk kishin debate, djalë i shkëlqyer”, shprehet një fqinj.
“Ai çuni të vriste zoti për të, jemi habitur për të. Çun i urtë sa s’ka më”, shprehet fqinja tjetër.
