Në një dalje për mediet, kryetarja e LSI, Monika Kryemadhi bëri me dije se do të dorëzojë në SPAK evazion fiskal lidhur me kompanitë e inceneratorëve.
Ajo tha se kryeministri Rama se do të shpërqendrojë vëmendjen nga korrupsioni duke bërë një futur në një sulm të vërtetë për të çorientuar objektivin kryesor të zbardhjes së inceneratorëve.
“Nuk u jap dot fatura sa të dorëzoj në SPAK, se janë me qindra mijëra fatura. Fusha e betejës sonë është SPAK, ne jemi në SPAK, SPAK në momentin që do tregojnë që është arbitër i drejtë mbi të gjitha historia është që Rama s’mund të vjedhë 189 milionë dollarë me fatura me letra me fakte të mara nga buxheti i shtetit e të futura në xhepat e tij për të blerë dhe deklaratën e inceneratorëve që doli sot e çdo gjë tjetër që i duhet për të larguar vëmendjen nga korrupsioni. Po të kishte drejtësi, sot Edi Rama do ishte koleg me Alqi Bllakon dhe Lefter Kokën”, u shpreh Kryemadhi në një deklaratë për mediat.
Ajo tha se pensionistët që janë përfshirë pa të drejtë në evazionin fiskal janë të shqetësuar dhe duhet të mbrohen dhe nuk duhet të ndihen të kërcënuar.
Kryetarja e LSI shtoi se në 2019 ata janë thirrur nga krimi ekonomik për një faturë 300 mijë euro e cila regjistruar në 8 korrik 2019 dhe ku janë administrator deri në 2024.
“Dua të bëj një sqarim për pensionistët, të cilët janë të shqetësuar dhe duhet të mbrohen dhe nuk duhet të ndihen të kërcënuar. Në dijeninë time sapo jam ndarë me djalin e Thanas Çanit, diskutuam. Jo vetëm që nuk kanë dijeni, jo vetëm nuk kanë firmosur kontrata, por në 2019 janë thirrur nga krimi ekonomik për një faturë 300 mijë euro. Është regjistruar në 8 korrik 2019 dhe është administrator deri në 2024, edhe pse krimi ekonomik e ka thirrur dhe ka marrë dijeni që zotëria nuk kishte dijeni, nuk e kanë bërë të ditur që ti zotëri ke firmosur një kontratë”, tha Kryemadhi.
